आम आदमी पार्टीका नेता तथा राज्यसभा सांसद सञ्जय सिंह भ्रष्टाचार मुद्धामा पक्राउ परेका छन् । दिल्लीको मदिरा भ्रष्टाचार प्रकरणमा सोधपुपछि आपका नेता सिंहलाई पक्राउ गरिएको छ । प्रवर्तन निर्देशनालय(ईडी)ले सांसद सिंहलाई पक्राउ गरेको हो । ईडीले नेता सिंहको घरमा छापा मारेको थियो ।

१० घण्टाको सोधपुछपछि उनि पक्राउ परेका हुन् । मदिरा प्रकरणमै यसअघि दिल्लीका उपमुख्यमन्त्री समेत रहेका शिक्षामन्त्री मनीष सिसोदिया र तत्कालीन स्वास्थ्यमन्त्री सत्येन्द्र जैनलाई पक्राउ गरिएको थियो । जैन उपचारका लागि धरौटीमा रिहा भए पनि सिसोदिया भने जेलमै रहेका छन् ।