पोखरा, ४ जेठ । पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालको निर्देशकमा डा. भरतबहादुर खत्री नियुक्त हुनुभएको छ ।

प्रतिष्ठानका उपकुलपति डा. डुकबहादुर क्षत्रीले मङ्गबार उहाँलाई निर्देशक नियुक्त गर्नुभएको हो ।

पोखरा महानगरपालिका वडा नं ५ मालेपाटन निवासी वरिष्ठ हाड, जोर्नी तथा नशा रोग विशेषज्ञ डा. खत्री विगत २८ वर्षदेखि स्वास्थ्य क्षेत्रमा हुनुहुन्छ । उहाँले अस्पतालको सेवालाई चुस्त बनाउन आफ्नो क्रियाशीलता रहने बताउनुभयो ।

आमनागरिकलाई गुणस्तरीय सेवा प्रदान गर्नु आफ्नो मुख्य उद्देश्य रहने उहाँको भनाइ छ ।