पोखरा, १५ कात्तिक । नेपाल मुस्लिम संघ कास्कीले राजधानीको सुन्धारास्थित मुसफिर मदिनी मस्जिदमा भएको तोडफोड र आक्रमणको निन्दा गरेको छ ।

संघले सो घटना सिङ्गो नेपाली मुस्लिम समुदायमाथिको आक्रमण भएको ठहर गर्दै ध्यानाकर्षण भएको जनाएको छ ।

संघका कास्की अध्यक्ष हारुन खानद्वारा हस्ताक्षरीत विज्ञप्तिमा सरोकारवाला सहित उच्चस्तरीय छानविन समिति गठन गरी सत्य तथ्य सार्वजनिक गर्न र क्षति पुगेको संरचना तत्काल पुर्ननिर्माण गर्न माग गरिएको छ ।

वर्तमान सरकार कुनै न कुनै रुपमा मुस्लिम समुदायप्रति पूर्वाग्रही रहेको अवस्था सो घटना पनि त्यसैको उपज भएको विज्ञप्तिमा उल्लेख छ ।