पोखरा, ८ मंसिर । पोखराको बुद्व विशाल बजार व्यापारिक एशोसियशनले चाडपर्वलाई लक्षित गरी उपभोत्ताका लागि संचालन गरेको उपहार योजना नतिजा शनिवार सार्वजनीक गरेको छ ।
‘दशैं तिहार उपहार, नगदै नगद बहार’ भन्ने मूल नाराका साथ अघि सारिएको यो उपहार योजना भदौ १६ गते आईतबारदेखि लागु भएको थियो । यो योजनाबाट २० जना उपभोत्ता लाभान्वित भएका छन् ।
यो योजना अन्तर्गत कुपन नम्बर ५५२६० ले पहिलो , कुपन नम्बर ५६८६८ ले दोस्रो र ३५७५७ ले तेस्रो पुरस्कार प्राप्त गरेका छन् ।
एशोशियसनले पहिलो पुरस्कार एक लाख, दोस्रो पुरस्कार ७५ हजार, तेस्रो पुरस्कार ५० हजार राखेको छ ।
त्यस्तै, चौथो पुरस्कार स्वरुप दुई जनालाई २५÷२५ हजार, पाँचौ पुरस्कार स्वरुप पाँच जनालाई १०÷१० हजार र छंैटौ पुरस्कार स्वरुप १० जनालाई पाँच÷पाँच हजार व्यवस्था गरेको छ ।
बजारले पाँच सयभन्दा माथिको सामान खरिदमा एक वटा र एक हजार पाँच सय माथिको सामान खरिदमा दुई वटा उपहार कुपन प्रदान गरेकोे थियो ।
जिल्ला प्रहरी कार्यालय कास्कीका प्रमुख ओम राना, एशोसियशनका कानुनी सल्लाहाकार जगन्नाथ ढकाल, मानार्थ सदस्य सुदीप ढकाल र प्रेस सल्लाहाकार नवीन सिग्देल लगायतले उपहार कुपनको नतिजा सार्वजनीक गरेका थिए ।
उपहार योजना सार्वजनीक गर्दै जिल्ला प्रहरी कार्यालय कास्कीका प्रमुख ओम रानाले विश्वास कायम राखेर गरिने सवै काम सफल हुने बताए ।
कार्यक्रममा बुद्व विशाल बजार व्यापारिक एशोसियशनका कानुनी सल्लाहाकार जगन्नाथ ढकाल, मानार्थ सदस्य सुदीप ढकाल, प्रेस सल्लाहाकार नवीन सिग्देल, निवर्तमान अध्यक्ष प्रदिपकुमार मुल्मी लगायतले बोलेका थिए ।
बुद्व विशाल बजार व्यापारिक एशोसियशनका अध्यक्ष केशवबहादुर खत्रीको अध्यक्षतामा भएको कार्यक्रममा उपाध्यक्ष शिव शर्माले स्वागत र महासचिव इन्द्रराज अर्यालले संचालन गरेका थिए ।
भर्खरै
काहुँखोलाले पोखरा २० भलाम र १३ काहुँमा दुई घरमा क्षति
नेपालमा पहिलो पटक ‘सफल फ्रेश पनिर’ थर्मोफर्मिङ प्याकमा उपलब्ध
पिसीएमका विद्यार्थीले सिके मिडियासँग समन्वय गर्ने कला
सोह्र वर्ष विदेश बसेका दिलचन ड्रागनफ्रुट खेतीमा रमाउँदै
पोखरा कलेज अफ म्यानेजमेन्टमा नमूना पत्रकार सम्मेलन
रहेनन्, गजलकार पङ्गेनी
ट्रेन्डिङ
पोखरा महानगरपालिका पूर्ण असफल – ११ वडाका अध्यक्ष
जनकपुरको माछा फेवातालको भन्दै विक्री गर्नेलाई कारवाहीको माग
पोखरामा भाँसियो सडक
हेमजाकी त्रिपाठीलाई अन्तर्राष्ट्रिस्तरको अवार्ड
यस्तो छ पोखराका विद्यालयलाई निर्देशन,पढौं
कास्की जिल्ला प्रशासनले भर्खरै जारी ग¥यो कडा निषेधाज्ञा, के के छ पढौं