सरकारले इजरायलमा ज्यान गुमाएका नेपालीका परिवारलाई दस लाख राहत उपलब्ध गराउने भएको छ । सोमबार मन्त्रिपरिषद्को आकस्मिक बैठकले हमासको आक्रमणमा परी ज्यान गुमाएका दस जना नेपाली बिद्यार्थीहरुको परिवारलाई दस लाख बराबर रकम दिने निर्णय भएको छ ।

सरकारका प्रवक्ता रेखा शर्माका अनुसार राहत रकम अर्थ मन्त्रालयले गृह मन्त्रालय मार्फत् निकासा गर्ने निर्णय भएको हो। नेपाली विद्यार्थीहरूको दुःखद निधनप्रति सरकारले भोलि (मंगलबार) राष्ट्रिय शोक मनाउने निर्णय गरेको छ। नेपालका सम्पूर्ण सरकारी कार्यालय र कूटनीतिक नियोगमा राष्ट्रिय झन्डा आधा झुकाउने निर्णय भएको प्रवक्ता शर्माले बताइन्। उनले इजरायलमा रहेका नेपालीहरूको उद्धारका लागि समन्वय भइरहेको बताइन्।

हामासको आक्रमणमा परी दस जन नेपालीको मृत्यु भएको छ भने चार जना घाइते भएका छन्। एक जना नेपाली भने सम्पर्क विहीन छन्।