पूर्वप्रधानमन्त्री झलनाथ खनालले, आफुले सर्प पालनमा लगानी नगरेको स्पष्ट पारेका छन् । खनालले सर्प प्रकरणमा आफ्नो नाम मुछेर बदनाम गरेको भन्दै आपत्ति जनाएका हुन् ।

बुधबार काठमाडौंमा आयोजित एक कार्यक्रमलाई सम्बोधन गर्दै, आफू सर्लाही जाँदा सर्पको टोकाइका कारण मृत्युवरण गर्नुपरेको घटना देखेकाले सर्पदंशका बिरामीलाई देशमै उपचार हुनुपर्ने र औषधि बन्नुपर्ने माग सम्बोधन गर्नका लागि आवाज उठाएको स्पष्टीकरण दिएका छन् ।

सर्पका घटनामा अख्तियारले पनि आफ्नो नाम मुछेको भन्दै खनालले असन्तुष्टि जनाए छन्। पूर्वप्रधानमन्त्री खनालले आफुले राजनीतिलाई पेशा, व्यवसाय, कमाउ, धमाउ नबनाएको बताए ।