अमेरिका । विश्वको प्रतिष्ठित म्यागेजिन ‘टाइम’ले सन् २०२३ का उदीयमान एक सय जनाको सूचीमा काठमाडौंका मेयर बालेन्द्र शाहलाई समावेश गरेको छ । म्यागेजिनले प्रकाशित गर्ने विश्वका उदीयमान नेताहरुमा काठमाण्डौं महानगरपालिकाका प्रमुख बालेन्द्र शाह ‘बालेन’ को नाम समावेश छ ।

म्यागेजिनले हरेक बर्ष ६ बिधामा, अभूतपूर्व योग्दान पुराएका तथा अतिरिक्त क्षमतावान व्यक्तिहरुको नाम समावेश गर्दै आएको छ । यस बर्ष म्यागेजिनले प्रकाशित गरेका नामहरुमा पनि वैज्ञानिक, विभिन्न संस्थाहरुको प्रमुख कार्यकारी अधिकृत, कलाकार, अन्तरीक्ष यात्रीसहितका व्यक्तिहरु समावेश छन् ।

टाइमले २०७९ स्थानीय चुनावमा स्वतन्त्र उम्मेदवारका रुपमा उदाएका काठमाण्डौ महानगरका मयेर शाहका बारेमा बिस्तृतमा लेख्दै भनेको छ, स्ट्रक्चरल इन्जिनियर, ३३ वर्षीय शाहले यथास्थिति प्रतिको मतदाताको आक्रोशलाई सामाजिक संजाल टिकटक, ट्विटर र इन्टाग्रामको मद्दतले मतमा परिणत गर्न सफल व्यक्ति हुन् ।

टाइमले भूकम्पको प्रभाव कायमै रहेको काठमाडौंमा फोहोर मैला तथा सरसफाईको उचित प्रबन्ध गरेको, स्वच्छ खानेपानी, सफा सडक र संस्कृतिक सम्पदाको संक्षरण सहितको सहरी विकासमा मयेर शाह उलेख्य काम गर्न सफल भएको भनेर लेखेको छ ।

टाइमले भूकम्पको प्रभाव कायमै रहेको काठमाडौंमा फोहोर मैला तथा सरसफाईको उचित प्रबन्ध गरेको, स्वच्छ खानेपानी, सफा सडक र संस्कृतिक सम्पदाको संक्षरण सहितको सहरी विकासमा मयेर शाह उलेख्य काम गर्न सफल भएको भनेर लेखेको छ ।

टाइम म्यागेजिनले सन् २०१९ देखि संसार भरका एक सय जना प्रभावशाली व्यक्तिहरुको सूची प्रकाशित गर्दै आएको छ । शाह २०७९ बैशाखमा भएको स्थानीय तहको चुनावमा ६३ हजारभन्दा बढी मत प्राप्त गरि काठमाण्डौं महानगरपालिकाको मेयर पदमा विजयी भएका थिए ।