काठमाडौं । प्रधानमन्त्री पुष्पकमल दाहालले धरानमा भईरहेको धर्म केन्द्रीत गतिविधि बारे चिन्ता व्यक्त गर्दै सामाजिक एवं साँस्कृतिक परम्पराको मर्यादा कायम राख्न नेपालीहरुमा अपिल गरेका छन् । हिन्दु धर्म समर्थकहरुले गरिरहेको प्रर्दशन लगायतका बिषयमा चिन्ता व्यक्त गर्दै प्रधानमन्त्रीले नेपालको संविधानले प्रत्येक व्यक्तिलाई प्रचलित सामाजिक एवं सांस्कृतिक परम्पराको मर्यादा राखी परापूर्वदेखि चलिआएको आफ्नो धर्मको अवलम्बन, अभ्यास र संरक्षण गर्ने हक सुनिश्चित गरेको उल्लेख गरेका छन्।

कसैले कसैको धर्म र भावनाप्रति नकरात्मकता, द्वैष बढाउने तथा एक अर्काको धर्ममा खलल पार्ने गरी कुनै काम, व्यवहार गर्न कानुनतः निषेध गरिएको अबगत गराएका छन् ।

शनिबार विज्ञप्ति जारी गर्दै प्रधानमन्त्री दाहालले कसैले कसैको धर्म र भावनाप्रति नकरात्मकता, द्वैष बढाउने तथा एक अर्काको धर्ममा खलल पार्ने गरी कुनै काम, व्यवहार गर्न कानुनतः निषेध गरिएको अबगत गराएका छन् । यसका साथै हामी जुनसुकै जाति, भाषा, धर्म र सम्प्रदायका मानिसहरू भए पनि सामाजिक सम्बन्ध र सहकार्यबिना हाम्रो व्यक्तिगत जीवन र सामाजिक प्रणालीले पूर्णता प्राप्त गर्न सक्दैन। तसर्थ, हाम्रो एकता, सद्भाव र सहकार्य भावनात्मक सम्बन्धका साथै सामाजिक प्रगति र विकासका निम्ति अपरिहार्यसमेत रहिआएको छ, प्रधानमन्त्री दाहालले बिज्ञप्तीमा भनेका छन् ।

पढ्नुस प्रधानमन्त्री दाहालले जारी गरेको बिज्ञप्ती ।