राष्ट्रपति रामचन्द्र पौडेलसँग जापानको संसदको माथिल्लो सदनका सांसदहरुले शिष्टाचार भेट गरेका छन् । शिष्टाचार भेटका अवसरमा सांसदहरुले नेपाल र जापान बीचको सम्वन्ध र आगामी दिनमा दुवै देशको बिकासमा खेल्नु पर्ने भूमिकाका बिषयमा कुराकानी भएको छ ।

राष्ट्रपति कार्यलयले जारी गरेको बिज्ञप्ती अनुसार नेपाल जापान संसदीय मैत्री समूहका सदस्य समेत रहेका माननीयहरुले राष्ट्रपतिसँग शिष्टाचार भेट गरेका हुन् । भेटमा राष्ट्रपति पौडेलले नेपाल र जापान बीच अति घनिष्ट एवम् मैत्रीपूर्ण सम्बन्ध रहेको विषयमा जोड दिँदै नेपालको लोकतन्त्र र प्रजातन्त्रको विकास र सुदृढीकरणमा जापान सरकारले निरन्तर पुर्‍याउँदै आएको सहयोगका लागि धन्यवाद भनेका छन् ।