दुर्घटना हुँदा चालकको मृत्यु, सहचालक गम्भीर घाइते

रासस शनिबार, १४ फागुन २०७८

डडेल्धुरा जिल्ला सदरमुकाममा नजिक टिप्पर दुर्घटना हुँदा एकजनाको मृत्यु भएको छ । मृत्यु हुनेमा टिप्पर चालक अजयमेरु२ का २३ वर्षिय दिपकसिंह ऐर रहेको प्रहरीले जनाएको छ । शनिबार अपरान्ह अमरगढी नगरपालिका५ बगरबाटास्थित रानिधाराको भिरबाट सुप ००१ क १८७बmउस९ नम्बरको टिप्पर दुर्घटना भएको हो । उक्त टिप्परमा दुई जना सवार रहेको बताइएको छ । करिव दुई सय मिटर तल टिप्पर खस्दा चालकको मृत्यु भएको हो । तस्वीर ः धनबहादुर भण्डारी, रासस

डडेल्धुरा १४, फागुन (रासस) : डडेल्धुरा सदरमुकाम नजिक टिपर दुर्घटना हुँदा एक जनाको मृत्यु भएको छ ।

मृत्यु हुनेमा टिपर चालक अजयमेरु–२ का २३ वर्षीय दीपकसिंह ऐर रहेको प्रहरीले जनाएको छ । आज अपराह्न अमरगढी नगरपालिका–५ बगरबाटास्थित रानीधाराको भिरबाट सुप००१क १८७९ नंको टिपर दुर्घटना भएको हो ।

करिब २०० मिटर तल टिपर खस्दा चालकको मृत्यु भएको हो । जिल्ला सदरमुकामको कीर्तिपुर बजारबाट बागबजार जाने क्रममा उक्त टिपर दुर्घटना भएको हो ।

दुर्घटनामा सहचालक जिल्ला दाङ घर भएका १६ वर्षीय अशिम चौधरी घाइते भएका छन् । घाइतेको खुट्टा र छातीमा चोट लागेको जिल्ला प्रहरी कार्यालय डडेल्धुराले जनाएको छ ।

टिपर ब्याक गर्दा खसेको प्रहरीको प्रारम्भिक अनुसन्धानबाट खुल्न आएको डेल्धुराका प्रहरी निरीक्षक तथा प्रवक्ता राजेन्द्रबहादुर चन्दले जानकारी दिनुभयो ।