रहेनन्, गजलकार पङ्गेनी

न्यूजपाली संवाददाता बुधबार, ५ वैशाख २०८१

पोखराका चर्चित गजलकार एवं गीतकार प्रकट पङ्गेनी ‘शिव’ को ७० वर्षको उमेरमा निधन भएको छ । स्वास्थ्यमा समस्या देखिएपछि उनलाई सोमबार अस्पताल भर्ना गरिएको थियो । उनको मणिपालमा भेन्टिलेटरमा राखेर उपचार भइरहेको थियो । पोखरेली युवा सांस्कृतिक परिवारका अध्यक्ष उपेन्द्र पौडेलले साहित्यकार पङगेनीको निधनमा दुख व्यक्त गर्दै उनको स्मरण नेपाली साहित्यले गरिरहने जनाए ।

कास्कीको रुपा गाउँपालिका-५ स्थायी निवासी उनि जण्डिस र निमोनियाको बिरामी थिए । स्व. पङ्गेनीको बुधबार अन्त्येष्टि गरिने परिवारले जनाएको छ । स्व. पङ्गेनीका ‘यो मन कतै अल्झेको छ’ र ‘जूनको चिठी जुना’ लाई गरी दुई गीत सङ्ग्रह प्रकाशित छन् ।

यसबाहेक प्रणयवेदका ऋचाहरू (गजल सङ्ग्रह) र अक्षरभरि अक्षता (कविता सङ्ग्रह) उनका प्रकाशित कृतिहरू हुन् । उनका श्रीमति, एक छोरा र एक छोरी छन् । अस्पतालमा उपचारका क्रममा आर्थिक अभाव भएपछि सांस्कृतिक परिवारको अग्रसरतामा सहयोग रकम सङ्कलन अभियान सुरु भएको थियो । परिवारले २५ हजार राखेर सुरु गरेको अभियानमा पोखरा महानगरपालिकाले एक लाख सहयोग गर्ने घोषणा गरेको थियो ।