परराष्‍ट्र सचिव भरतराज पौड्याल क्यानडाका लागि राजदूत पदमा अनुमोदन भएका छन्। संसदीय सुनुवाइ समितिमा नेपाली कांग्रेसका सांसद ज्ञानेन्द्रबहादुर कार्कीको आग्रहमा पौड्यालको नाम अनुमोदन भएको हो।

नेकपा एमालेका सांसदहरूले पौड्याललाई राजदूत पदमा अनुमोदन गर्ने नगर्ने निर्णय गर्न कम्तीमा पाँच दिन बैठक सार्न प्रस्ताव गरेका थिए। पौड्यालले आफूले लामो सयम परराष्ट्र मन्त्रालयको उच्च तहमा काम गरेको र आफू बहुपक्षीय मामिलाको विज्ञ भएको उल्लेख गरेका छन । पौड्यालले क्यानडाको राजदूत पदमा नियुक्त भए दुई देशको राजनीतिक सम्बन्ध सुधार्ने, आर्थिक कूटनीति अघि बढाउने, व्यापार तथा लगानी हस्तान्तरणको क्षेत्रमा काम गर्ने कार्ययोजना प्रस्तुत दिएका छन् ।