जाजरकोटको रामी डाँडालाई केन्द्रविन्दु बनाएर शुक्रवार मध्यरातमा भूकम्प गएको छ ।

शुक्रवार राति ११ बजेर ४७ मिनेटको समयमा जाजरकोटलाई केन्द्र बनाएर ६ दशमलव ४ म्याग्निच्यूडको भूकम्प गएको राष्ट्रिय भूकम्प मापन केन्द्रका वरिष्ठ भूकम्पविद् लोकविजय अधिकारीले जानकारी दिएका छन्।

भूकम्पको धक्का पश्चिम नेपालका जिल्ला र पाेखरा, काठमाडौं सम्म महसुस गरिएको छ । भूकम्पको धक्कापछि पश्चिम नेपालका जिल्लाहरुमा सर्वसाधारण घरबाट बाहिर निस्किएका थिए ।

भारतको राजधानी नयाँ दिल्लीमा भूकम्पको ठूलो धक्का महसुश गरिएको भारतीय संचार माध्यमहरुले जनाएका छन् ।

जाजरकोटमा केही घर चर्किएका स्थानीयले बताएका छन् । राति साढे १२ बजेसम्म क्षतीको विवरण आउन सकेको छैन ।