संयुक्त राष्ट्र संघका महासचिव एन्टोनियो गुटेरेसको सुरक्षाका लागि अन्नपूर्ण बेसक्याम्पमा खटिएका प्रहरी सहायक निरीक्षक टिकाराम ढुंगानाको लेक लागेर मृत्यु भएको छ ।

घान्द्रुक प्रहरी चौकीका इन्चार्ज पर्वत मोदी गाउँपालिका–६ का ४२ वर्षीय प्रहरी सहायक निरीक्षक ढुंगानालाई बिहान ९ः३३ बजे पोखराको मणिपाल अस्पताल पु¥याइएको थियो । उपचारको क्रममा ९ः४६मा चिकित्सकले उनलाई मृत घोषणा गरेको जिल्ला प्रहरी कार्यालय कास्कीका प्रमुख एसपी मोहनकुमार थापाले बताए ।

इन्चार्ज ढुंगाना गुटरेसको सुरक्षाका लागि शनिबार त्यहाँ पुगेका थिए । फर्किने क्रममा रहेका उनी मंगलबार अन्नपूर्ण गाउँपालिका–११ स्थित एक होटलमा बास बसेका थिए । २ हजार ३ सय ५० मिटर उचाईमा रहेको होटल हिमालयमा बास बस्ने क्रममा लेक लागेर उनलाई स्वासप्रस्वासमा समस्या आएको थियो ।

तत्कालै आज (बुधबार) विहानैं हेलिकप्टरबाट पोखरा ल्याइएको भएपनि उनलाई बचाउन नसकिएको चिकित्सकहरुले बताएका छन् ।
यतिबेला मुचुल्का तयार पार्ने र पोष्टमार्टम् गर्ने काम भईरहेको छ । सबै कामहरु सकिएपछि नेपाल प्रहरीले सलामी दिने र त्यसपछि परिवारजनले दाहसंस्कार गर्नेछन् ।