पाल्पामा आइतबार भएको स्कर्पियो दुर्घटनामा ६ जनाको मृत्यु भएको छ । जिल्ला प्रहरी कार्यालयका अनुसार मृत्यु भएका ६ जनाको पहिचान खुलेको छ।

प्रहरीका अनुसार मृत्यु हुनेहरुमा नवलपरासी पूर्वको देवचुली नगरपालिका-१६ रजहरकी ६० वर्षीया पावर्ती लोहनी, ३५ वर्षीया सविना धिताल, ११ वर्षीया सबिस लोहनी, साढे २ वर्षीय बालक इसब लोहनी, ६५ वर्षीया कृष्णबहादुर लोहनी र लमजुङको बेसीसहर नगरपालिका-३ भकुण्डेका ५५ वर्षीया चुना धिताल रहेका छन् ।

दुर्घटनामा परी रजहरका ३६ वर्षीय चालक ईश्वर बहादुर लोहनी गम्भीर घाइते भएका छन्। आइतबार साँझ ४ बजे पाल्पाको तानसेन नगरपालिका-१३ बैकुन्ठेभिरस्थित तानसेन रानिमहल पक्कि सडक खण्डमा रानिमहलबाट तानसेन तर्फ आउँदै गरेको बाग्मती प्रदेश ०१-०२६ च ७२०९ नम्बरको कार सडकबाट अन्दाजी एक सय मिटर तल खसेर दुर्घटना हो ।

पल्ला प्रहरीका अनुसार घटनाबारे अनुसन्धान भइरहेको छ ।