त्रिभुवन अन्तर्राष्ट्रिय विमानस्थलबाट प्रहरीले शुक्रबार २ किलो ७ सय २० ग्राम सुन सहित एक जना फिलिपिन्स नागरिकलाई पक्राउ गरेको छ । काठमाडौँ आएकी फिलिपिन्स नागरिक अनालङ अरोन्स रोविकनलाई पक्राउ गरिएको विमानस्थल सुरक्षा कार्यालय प्रमुख अर्जुन चन्दले जानकारी दिएका छन् ।

पक्राउ परेकी महिलाले आफ्नो भित्री वस्त्रमा पाँच पोका प्लास्टिक सहित २ किलो ७ सय २० ग्राम सुन मिसिएको पाउडर लुकाइ छिपाइ ल्याउँदै गरेको अवस्थामा महानगरीय प्रहरी विमानस्थल सुरक्षा गार्डको कार्यालयबाट खटिएको सादा पोसाकको टोलीले पक्राउ गरी अनुसन्धानका लागि गौशाला पठाएको छ।

प्रहरीले हाल सुन र सुन ल्याउने निज फिलिपिन्स नागरिकलाई त्रिभुवन विमानस्थल भन्सार कार्यालयमा बुझाएको छ ।