एकता

तनहुँ समाज अन्तर्राष्ट्रिय समन्वय परिषदको अध्यक्षमा त्रिपाठी

समितिले ६ महिनाभित्र पूर्णता पाउने

न्यूजपाली संवाददाता शनिबार, १३ असाेज २०८०

तनहुँ जिल्लामा जन्मेर विश्वभर छरिएर रहेका नेपालीहरुले तनहुँ समाज अन्तर्राष्ट्रिय समन्वय समिति गठन गरेका छन् ।

मूल जन्मथलो तनहुँ भएकाहरुको शुक्रबार भएको भेलाले राजन त्रिपाठीको अध्यक्षतामा आठ महादेशबाट आठ उपाध्यक्ष, तीन सचिव, एक कोषाध्यक्ष, दुई सहकोषाध्यक्ष सहित बिभिन्न मुलुकबाट ३० सदस्य रहने गरी कार्यसमिति बनाएको छ ।

यस्तै, १४ जनाको सल्लाहकार समिति समेत बनाइने जानकारी दिइएको छ । समितिको वरिष्ठ उपाध्यक्षमा लेख गुरुङ तथा संस्थाको महासचिवमा रविचन्द्र भटराई छन् । समितिले ६ महिनाभित्र पूर्णता पाउने छ ।

यस्तै, तनहुँ समाज अन्तर्राष्ट्रिय समन्वय समितिमा विभिन्न देशमा रहेका तनहुँ समाजका अध्यक्षहरु परिषद्को पदेन सदस्य रहने उल्लेख गरिएको छ । तनहुँमा जन्मेर हुर्केकाहरुलाई समेट्दै मातृभूमी नेपालको बिकास र तनहुँवासीहरुका बीच आपसी ज्ञान, सीप, हस्तान्तरण गर्ने उदेश्यले संस्थाको स्थापना गरिएको जानकारी दिइएको छ ।

जुम मार्फत भएको कार्यक्रममा बिदेशमा रहेर तनहुँ तथा मातृभूमी नेपाललाई संसारभर चिनाउन उलेख्य भूमिका निर्वाह गरेका एनआरएनए अमेरिका पूर्व अध्यक्ष तथा एनआरएनए आइसीसी महासचिव डाक्टर केशव पौडेल, डाक्टर अलिनी पोख्रेल, बेदराज पराजुली, नेम थापा, बिशाल गुरुङ लगायतका व्यक्तित्वहरु सहभागि भएका थिए । तनहुँ समाज अमेरिकाका अध्यक्ष किरण पन्तको अध्यक्षतामा भएको कार्यक्रम भएको थियो ।

तनहुँ समाज अन्तर्राष्ट्रिय समन्वय समितिको हालको प्रारम्भिक पदाधिकारीहरू यस प्रकार छ

President: Rajan Tripathi

Senior VP: Lekh Gurung

General Secretary: Rabi Chandra Bhattarai

VP: Deepak Khadka

VP: Rajan Adhikari

VP: Dinesh Joshi

VP: Parashuram Adhikari

VP: Rajan Jung Shahi

VP: Surendra Pradhan

VP: Ananta Raj Subedi

Secretary: Ramesh Pokhrel