प्रधानमन्त्री पुष्पकमल दाहालले चीन भ्रमण सोचेभन्दा धेरै सफल भएको बताएका छन् । चीन भ्रमणमा रहेका प्रधानमन्त्री दाहालले चीनको स्वशासित क्षेत्र ल्हासा पुगेर आफ्नो चीन भ्रमण आफुले सोचे भन्दा धेरै सफल भएको बताएका हुन् ।

प्रधानमन्त्री दाहाल ल्हासा पुगेकै अवसरमा त्यहाँ अवस्थित नेपाली महावाणिज्यदूतावासले आयोजना गरेको कार्यक्रमलाई सम्बोधन गर्दै उनले भने, म अमेरिकादेखि नै आएँ र यस पटकको चीन भ्रमण कस्तो होला भन्ने पनि लागिरहेको थियो । तर अहिले मलाई महसुस भएको छ, भ्रमण हामीले सोचेभन्दा सफल भएको छ।

यस पटकको आफ्नो चीन भ्रमण अन्तर्राष्ट्रियरुपमै चासोको बिषय रहेको उल्लेख गर्दै, प्रधानमन्त्री दाहालले भने भ्रमणको सफलताका विषयमा सबैतिर चासो छ । उनले चिनियाँ राष्ट्रपति सी चिनफिङसँगको भेटवार्ता निकै महत्त्वपूर्ण रहेको र त्यस भेटवार्ताका क्रममा नेपाललाई निकै नै महत्त्व दिएको आफूले महशुस गरेको बताएका छन् ।