प्रधानमन्त्री पुष्पकमल दाहाल र संयुक्त राष्ट्रसंघका महासचिव एन्टोनियो गुटरेका बीच भेटघाट भएको छ । राष्ट्रसंघको ७८ औं महासभा बैठकमा सहभागि हुन आएका प्रधानमन्त्री दाहाल र महासचिव गुटरेका बीच आइतबार न्यूयोर्क समय अनुसार साँझ सात बजेपछी भेटवार्ता भएको हो ।

प्रधानमन्त्री र गुटरेकाबीच विश्व शान्ती, बिकास र समृद्धिका बारेमा कुराकानी भएको नेपालका लागि स्थायी नियोग प्रमुख लोकबहादुर थापाले जानकारी दिए । भेटमा गुटरेले दाहालसँग नेपालको बिकासका बारेमा समेत चासो राखेको बताइन्छ ।

राष्ट्रसंघको महासभा बैठकमा सहभागि हुन न्यूयोर्क आईपुगेका प्रधानमन्त्री दाहालले आइतवार नेपाली समुदायका प्रतिनिधि र पार्टी निकटका व्यक्तिहरुसँग भेटघाट गरेका छन् ।

प्रधानमन्त्री दाहालले महासंघको बैठकका क्रममा उच्चस्तरिय सम्बोधन गर्ने कार्यक्रम छ भने दाहाल अमेरिकी राष्ट्रपति जो बाइडेनले सभामा सहभागि हुन आएका बिभिन्न देशका प्रमुखहरुको स्वागतमा आयोजना हुने रात्री भोजमा समेत सहभागि हुने कार्यक्रम छ ।

प्रधानमन्त्री दाहाल राष्ट्रसंघको सभालाई सम्बोधन गरेपछी छिमेकी देश चीन जाने कार्यक्रम रहेको छ ।