अमेरिकामा रहेका नेपाली महिला दिदी बहिनीहरुले हरितालिका तीज समुहमा तथा संघ सस्थाले आयोजना गरेका कार्यक्रममा जम्मा भएर  मनाएका छन् ।

समुह समुहमा समेत जम्मा भएर यहाँ रहेका महिलाहरुले हरितालिका तीज भब्य रुपमा मनाए । तीजको मौकामा नेपाली दिदी बहिनीहरुले बिदेशमा भोग्नु परेका पिडा, माइती देशको माया, माइत जान नपाउँदाको गुनासो गीतका माध्यमबाट व्यक्त गरे ।

कार्यक्रममा बिवाहित महिलाहरु रातो साडीमा तथा अबिवाहितहरु नेपाली दिदी बहिनीहरु रातो कुर्तामा सजिएर मौलिक गीतमा नाच गान समेत गरे ।

यसैबीच तीजको मौका पारेर गैरआवासीय नेपाली संघ न्यूयोर्क च्याप्टर अमेरिकाले तीज बिशेष कार्यक्रम सम्पन्न गरेको छ । बलेवा समाज अमेरिका, बाग्लुङ समाज, नारी एकता, हामी नेपाली, पर्वत समाज लगायतका संघ सस्थासँग मिलेर न्यूयोर्कमा भब्य कार्यक्रम गरेको छ ।