न्यूयोर्क । राष्ट्रसंघको ७८ औं महासभामा सहभागिता जनाउन प्रधानमन्त्री पुष्पकमल दाहाल प्रचण्ड नेपाली प्रतिनिधिमण्डलको नेतृत्व गर्दै स्थानीय समयअनुसार आइतबार बिहान न्यूयोर्क आइपुगेका छन् ।

प्रधानमन्त्रीलाई विमानस्थलमा न्यूयोर्कस्थित यूएनका लागि नेपालका स्थायी प्रतिनिधि लोकबहादुर थापालगायतले जेएफ केनेडी विमानस्थलमा स्वागत गरे ।

७८ औं महासभा दुई साताअघि नै सुरु भइसकेको छ । मंगलबारदेखि उच्चस्तरीय सम्बोधन र छलफलहरु सुरु हुँदैछन् । नेपालको तर्फबाट प्रधानमन्त्री प्रचण्डले  बिहीबार सम्बोधन गर्ने कार्यक्रम तय भएको छ । दाहाल बिहीबार महासभालाई सम्बोधन गरेर शुक्रबार चीन भ्रमणलाई निस्कने छन् ।