एसिया कप क्रिकेटमा भारतविरुद्ध खेलिरहेको नेपालले २३१ रनको लक्ष्य दिएको छ। टस हारेर पहिले ब्याटिङ गरेको नेपालले १० विकेटको क्षतिमा ४८.२ ओभर खेल्दै २३० रन बनाएको हो । भारतले २३१ रनको लक्ष्य पछ्याउँदै ब्याटिङ थालेको छ। भारतसँगको खेलमा नेपालले सम्मानजनक स्कोर बनाएको हो।

श्रीलंकाको पाल्लेकेले मैदानमा टस हारेस नेपालले पहिला ब्याटिङ गरेको थियो । नेपालका लागि सर्वाधिक रन आसिफ शेखले बनाए । उनले ५८ रन बनाएका थिए भने सोमपाल कामीले ४८ रन बनाए । कुशल भुर्तेलले ३८ रन बनाए । गुलसन झाले २३ रन बनाए । अन्य ब्याटरले राम्रो स्कोर बनाउन सकेनन् ।

भारतका लागि रविन्द्र जडेजा र मोहम्मद सिराजले ३–३ विकेट लिए ।  पहिलो पटक एसिया कपमा सहभागिता जनाएको नेपालले खेलेको यो दोस्रो खेल हो । यसअघि प्रतियोगिताको उद्घाटन खेलमा नेपाली टोली आयोजक पाकिस्तानसँग दुई सय ३८ रनले पराजित भएको थियो । उक्त खेल पाकिस्तानको मुल्तानमा खेलिएको थियो । पाकिस्तानले दिएको तीन सय ४३ रनको लक्ष्य पछ्याएको नेपाली टोली २३.४ ओभरमा एक सय चार रन बनाउँदै अलआउट भएको थियो ।

खेलमा जित हात पार्ने टिम सुपर फोरमा पुग्नेछ। वर्षाले खेल रद्द भए नेपाल आउट हुँदा भारत सुपर फोरमा पुग्नेछ।