नेपालस्थित अमेरिकी दूतावासले नेपालका साँस्कृतिक महत्वका स्थानहरुको स्तर उन्नतीका लागि ४.५ मिलियन डलर सहयोग गरेको छ । अमेरिकी दूतावास काठमाण्डौंले सामाजिक संजाल मार्फत नेपालभरका २६ स्थानका साँस्कृतिक महत्वका स्थलहरुको संरक्षणका लागि आर्थिक सहयोग गरेको जानकारी दिएको छ ।

दूतावासले भनेको छ, विगत २० वर्षमा, अमेरिकी राजदूत सांस्कृतिक कोषले सुरूवाती परियोजनाहरू (हनुमानढोकाको काल भैरव, पाटनको अष्टभुज कृष्ण मन्दिर र मुस्ताङका गुम्बाहरू सहित) नेपालभरका २६ विभिन्न स्थलमा ४.५ मिलियन डलर सहयोग गरेको छ।

अमेरिका नेपाललाई आफ्नो अद्वितीय सांस्कृतिक सम्पदालाई आगामी पुस्ताका लागि संरक्षण गर्न सहयोग गर्न प्रतिबद्ध छ। तर, जीर्णोद्धार कार्यमा सहभागी स्थानीय कालिगढ़हरूको योगदान बिना सांस्कृतिक स्थलहरूको संरक्षण गर्न असम्भव हुने थियो। सांस्कृतिक संरक्षणमा हाम्रो सहकार्य हाम्रो ७६ वर्षको जीवन्त साझेदारीको प्रमाण हो१ यी सुन्दर स्थलहरू पुनर्स्थापना गर्न मद्दत गर्ने सबैलाई धन्यवाद ।