प्रधानमन्त्री नै भन्छन्ः ‘बर्खा सकिएपछि लाखौं मान्छे सडकमा उतार्छौं’

समाजवादी मोर्चा

प्रधानमन्त्री नै भन्छन्ः ‘बर्खा सकिएपछि लाखौं मान्छे सडकमा उतार्छौं’

Prachanda

सुर्खेत । प्रधानमन्त्री पुष्पकमल दाहाल ‘प्रचण्ड’ले बर्खा सिद्धिएपछि लाखौं जनतालाई सडकमा उतार्ने अभिव्यक्ति दिएका छन् । राष्ट्रियता, जनजीविका, सामाजिक न्यायको पक्षमा र भ्रष्टाचारको विपक्षमा जनतालाई उतारेर जगैदेखि हल्लाइदिने प्रचण्डले बताए ।

बिहीबार सुर्खेतमा समाजवादी मोर्चाको कार्यक्रममा प्रचण्डले भने, ‘केही दिनपछि, बर्खा सिद्धिएपछि लाखौं जनतालाई सडकमा ल्याएर राष्ट्रियताको पक्षमा, जनजीविकाका पक्षमा, सामाजिक न्यायको पक्षमा र भ्रष्टाचारविरुद्ध जगैदेखि हल्लाइदिनुपर्ने हुन्छ । जनतालाई सडकमा नल्याई सरकारले नै गर्देला र खाउँला भन्नु भुल हो ।’

प्रधानमन्त्री प्रचण्डले सरकार कति समय चल्छ भन्नेमा आफ्नो चिन्ता नरहेको र आफू सरकार जोगाउन जे पनि गर्ने पक्षमा नरहेको पनि बताए ।

‘मैले सरकारको नेतृत्व गर्दै गर्दा १५ दिन भए पनि ठीकै छ, १ महिना भए पनि ठीकै छ । राम्रो कामको सुरुवात गर्छु, राम्रो काम गर्दागर्दै कसले हटाउदो रहेछ हेर्छु, नेपाली जनताले पनि हेर्छन्’ उनले भने, ‘मलाई सरकार छोड्न गाह्रो मान्ने मान्छे पनि होइन म ।’

 प्रधानमन्त्री दाहालले भष्ट्राचारको विरुद्ध नयाँ लडाई सुरुवात भएको बताए । ‘यो रोकिनेवाला छैन । यसले दायाँवाया तेरो मेरो हेर्नेवाला छैन’ दाहालले भने, ‘गठबन्धन सरकार र मोर्चा एकढिक्का भएर अगाडि बढेका छौ ।’ जनयुद्धका माध्यमबाट आन्दोलनका भरमा गणतन्त्रको युगमा आएको भन्दै उनले यसलाई उल्ट्याउन षडयन्त्र भएको बताए । षडयन्त्रलाई परास्त गर्न बलियो मोर्चाको आवश्यकता रहेको उनको भनाई छ ।

‘जनयुद्धको बलमा संघीय लोकतान्त्रिक गणतन्त्रसम्म आइपुगियो । मधेसबाट सुरु गरेर लुम्बिनी हुँदै कर्णालीमा आएर मोर्चाको घोषणा गरेका छौ’ उनले भने, ‘मोर्चा निर्माण भएकोमा म जति खुसी को होला । हाम्रो अभियान यतिमा रोकिदैन । न्याय र सुशासनको पक्षमा एक भएर मोर्चाले लड्ने छौ ।’

उनले सिमान्तकृत नागरिकले पाएका अधिकार पनि खोस्ने षडयन्त्र भएको औंल्याए । ‘यस्ता षडयन्त्रलाई परास्त गर्नका लागि मोर्चाको तर्फबाट अहिले गठबन्धनका तर्फकाट हिजो र सरकारमा बसेर एउटा लडाईंको नेतृत्व फेरि गरेको छु’ उनले भने ‘मलाई लिनुपनि छैन दिनुपनि छैन जे छ देशका लागि राष्टका लागि बाँकी जीवन यतै लगाउनेछु , राम्रो कामको सुरुवात गर्छु राम्रो काम गर्दा गर्दै कल्ले हटाउँदो रहेछ ।’ समाजबादी मोर्चाको केन्द्र कर्णाली बन्न सक्ने उनले बताए ।

प्रचण्ड सरकार अन्य सरकार जस्तो होइन: विप्लव

नेपाल कम्युनिष्ट पार्टीका महासचिव नेत्रविक्रम चन्द ‘विप्लव सी’ले प्रचण्ड सरकार अन्य सरकार जस्तो नभएको दाबी गरे । उनले सत्ता र सरकार फरक रहेको भन्दै उनले प्रधानमन्त्री प्रचण्डले सरकारमा लडाइँ गर्न आग्रह गरे ।

 विप्लवले नेपाललाई युक्रेन बनाउने षड्यन्त्र साम्राज्यवादी तत्वहरुले गरिरहेको बताए । उनले एमसीसी जनताको हितमा नभएकोसमेत बताए । ‘यसविरुद्ध सडकमा हामी लड्छौं । प्रधानमन्त्री प्रचण्डले सरकारमा लड्नुपर्छ’, उनले भने ।

पूर्वमाओवादी नेता विप्लवले जनयुद्धको नेतृत्व प्रचण्डले र जनआन्दोलनको नेतृत्व माधवकुमार नेपालले गरेको जिकिर गरे । आआफ्नो ठाउँबाट आआफ्नै तरिकाले लडे पनि वर्तमान परिस्थिति अनुकूल त्यो लडाइँ सफल हुन नसकेको उनको भनाइ छ ।

समाजवादी मोर्चा क्रान्तिको प्रतीक भएको बताउँदै उनले इतिहासको समीक्षा गर्दै उपनिवेशको प्रतिगमन र पश्चगामी तत्वको अन्त्य गर्न समाजवादी मोर्चा गठन भएको बताए ।

‘अहिले क्रान्तिबाट प्राप्त परिवर्तनलाई बचाउनु छ’, नेता विप्लवले भने, ‘जनयुद्ध, सहिद र घाइतेको सपना पूरा भएको छैन । कम्युनिष्ट कमजोर भएको हल्ला चलाए पनि कमजोर भएको छैन ।’

यो खबर पढेर तपाईलाई कस्तो महसुस भयो ?

प्रतिक्रिया

लेखकको बारेमा

भर्खरै

बजेटबारे सांसदको चर्को असन्तुष्टि
संसदीय छानबिन विशेष समितिले कार्यविधि बनायो

अमेरिका अपडेट

Loading...
Rastra · USD/EUR · 24 Jun 
Nepal Rastra bank
Check: 24 Jun 2024 00:30 UTC
Latest change: 23 Jun 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀
CurrencyPrice
Nepalese Rupee 
Nepalese Rupee
133.66
Indian Rupee 
Indian Rupee
83.5
US Dollar 
US Dollar
1
Euro 
Euro
0.94
British Pound 
British Pound
0.79
Australian Dollar 
Australian Dollar
1.51
Japanese Yen 
Japanese Yen
159.78
US Dollar 
US Dollar
1
Rastra · USD · 24 Jun 
Nepal Rastra bank
Check: 24 Jun 2024 00:30 UTC
Latest change: 23 Jun 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀