सप्तकोसी नदीमा पानीको बहाब बढेपछि कोसी ब्यारेजका सबै ढोका खोलिएका छन् । पहाडी जिल्लामा लगातार वर्षा भइरहेकाले सप्तकोसी नदीमा पानीको बहाब बढेको हो। स्थानिय सरकारले दिएको जानकारी अनुसार शुक्रवाबार राति ९ बजे पानीको बहाब बढेर प्रतिसेकेण्ड ३ लाख ९८ हजार ३ सय ४५ क्युसेक पुगेको छ । यस्तै जिल्ला प्रहरी कार्यालय सुनसरीका प्रहरी प्रवक्ता राजकुमार राईले सप्तकोसीमा पानीको बहाब बढेपछि आसापासका बासिन्दालाई सतर्क रहन र यस क्षेत्रको शान्ति सुरक्षाको लागि प्रहरी परिचालन गरेर उच्च सर्तकता अपनाइएको जानकारी दिएका छन् ।

पानीको बहाब एकलाख ५० हजार प्रतिसेकेण्ड कटेपछि खतरा मानिन्छ, अहिले खतराको संकेतका रुपमा रातो बत्ति समेत बालिएको छ । यस्तै स्थानीय प्रशासनको अनुरोधमा भारतले कोसी ब्यारेजका सबै ढोका खोलेको छ । यसैगरी पूर्व पश्चिम राजमार्गमा चल्ने सवारीसाधनलाई समेत सावधानीपूर्वक सञ्चालन गरिएको जानकारी दिईएको छ ।