काठमाडौँ । सरकारले श्रमिकको न्यूनतम पारिश्रमिक बृद्धि गरेको छ । श्रम, रोजगार तथा सामाजिक सुरक्षा मन्त्रालयका अनुसार साउन १ गतेदेखि श्रमिकको न्यूनतम पारिश्रमिक बृद्धि हुनेछ ।

श्रम ऐन, २०७४ को दफा १०६ बमोजिम साउन १ गतेदेखि श्रमिकको मासिक पारिश्रमिक १७ हजार ३ सय रुपैयाँ हुनेछ । चिया बगान बाहेकका श्रमिकको मासिक १० हजार ८ सय २०, महँगी भत्ता ६ हजार ४ सय ८० गरी १७ हजार ३ सय पुर्‍याइएको छ । दैनिक ४ सय १८, महँगी भत्ता २ सय ५० सहित जम्मा ६ सय ६८ तोकिएको छ । यसअघि न्यूनतम पारिश्रमिक मासिक १५ हजार रुपैयाँमात्रै थियो ।

चिया बगानका श्रमिकको हकमा मासिक १३ हजार ८ सय ९३ पुर्‍याइएको छ । जसमा आधारभूत पारिश्रमिक ८ हजार ९३४ र महँगी भत्ता ४ हजार ९५९ रुपैयाँ छ । पारिश्रमिक वृद्धिको सूचना राजपत्रमा प्रकाशित छ ।