नेकपा एमालेका अध्यक्ष केपी शर्मा ओलीले एमालले भनेको नमान्दा ३९ किलो सुन घटेको बताएका छन् । काठमाण्डौंमा आयोजित एक कार्यक्रममा एमाले अध्यक्ष ओलीले भने, ‘हामीले उच्चस्तरीय छानविन समिति गठन गर्न माग गरेका थियौं, सत्तापक्षले त्यो कुरा नसुन्दा सुनको तौलनै घट्यो’।

काठमाडौंमा आयोजित वर्तमान आर्थिक अवस्था, समस्या र समाधान छलफल कार्यक्रममा ओलीले सुन तस्करी प्रकरणमा छानविन आयोग गर्न गर्नुपर्ने मागलाई अस्वीकार गरेर सुनको तौल घटेको उनको जिकिर छ । अध्यक्ष ओलीले  विमानस्थलबाट किलोका किलो सुन तस्करी हुँदा सडकमार्गबाट त्योभन्दा पनि बढि सुन तस्करी भएको हुनसक्ने आशंका समेत गरेका छन् । उनले सुन तस्करीमा अरवौंको लगानी गर्ने व्यक्तिलाई लुकाउन उच्चस्तरीय छानविन समिति गठन गर्न नदिएको आरोप लगाएका छन् । ओलीले जिकिर गर्दै भने, कांग्रेस सांसद सुनिल शर्मालाई पक्राउ गरेर अरुलाई तर्साउन खोजिएको थियो ।

अध्यक्ष ओलीले सांसदलाई न पक्राउ पूर्जी छ, कुनै आरोप स्थापित छ, स्वच्छाचारी ढंगले पक्राउ गरिएको भन्दै नेपाली कांग्रेसका सांसद सुनिल शर्माको बचाउ गरे । ओलीले अघि थप्दै भने, शर्माको केस त सिटिङ एमपीलाई समातेर सरकारले दुनियाँलाई तर्साउने खोजेको मात्रै थियो ।