अमेरिका

गैरआवासीय नेपाली संघ राष्ट्रिय समन्वय परिषद् अमेरिकाको प्रवक्तामा डाक्टर राजन पन्त नियुक्त भएका छन् । आइतवारको कार्यसमिति बैठकले अध्यक्ष अर्जुन बन्जाडेको प्रस्तावमा पन्तलाई प्रवक्तामा अनुमोदन गरेको हो । एनसीसी अमेरिका अध्यक्ष डाक्टर बन्जाडेले पन्तलाई प्रवक्तामा नियुक्त गरेर बैठकमा जानकारी गराएका थिए । बिद्यान अनुसार अध्यक्षले प्रवक्ता नियुक्त गर्न पाउँछन् । पन्त संस्थालाई बुझेका व्यक्तिका रुपमा मानिन्छन् ।

प्रवक्ता पन्त ६ बर्षअघि एनसीसीको सल्लाहकार थिए भने, उनिसँग मेम्बरसिप भेरिफिकेशन कमिटिको चेयर भएर काम गरेको अनुभव समेत छ । नेपालमा रहँदा प्रजातान्त्रिक बिद्यार्थी आन्दोलनमा सकृय रहेर काम गरेका पन्तले सरकारी नियुक्ती अन्र्तगत शिक्षा मन्त्रालयको अनौपचारिक शिक्षा कार्यक्रमको संयोजक भएर काम गरेका थिए ।

प्रवक्ता पन्तले यूएसआईडी, एनजिओमा शिक्षा र स्वास्थ्य क्षेत्रमा काम गरेको अनुभव समेत संगालेका छन् । २४ बर्षदेखी अमेरिकामा रहेका पन्त समाज शास्त्रका प्रोफेसर हुन् । नेपालमा गोर्खा घर भएका पन्तका एक श्रीमति र एक छोरी छन् । प्रवक्ता पन्त एनसीसी अध्यक्ष डाक्टर बन्जाडे निकट मानिन्छन् ।