काठमाडौं

कांग्रेस सांसद सुनिल शर्मा पक्राउ परे लगत्तै सभापति शेरबहादुर देउवा बालुवाटार पुगेका छन् । धुम्बाराहीस्थित निवासमा कांग्रेस नेताहरूसँग आन्तरिक छलफल गरेपछि कांग्रेस सभापति देउवा प्रधानमन्त्री पुष्पकमल दाहाललाई भेट्न बालुवाटार पुगेको बुझिन्छ ।

सभापति देउवा र प्रधानमन्त्री दाहालका बीचको आन्तरिक छलफलमा गृहमन्त्री नारायणकाजी श्रेष्ठको कार्यशैलीको आलोचना भएको बताइन्छ । बैठकपछि ​कांग्रेसका प्रमुख सचेतक रमेश लेखकले सांसद शर्मा पक्राउबारे बैठकमा छलफल भएको र आधिकारीक जानकारी लिएपछि मात्रै पार्टीको धारणा सार्वजनिक गर्ने जानकारी दिएका छन् ।

सीआईबीले सांसद शर्मालाई शैक्षिक प्रमाण पत्र कीर्ते गरेको कसूरमा पक्राउ गरेको छ। पक्राउ बारेमा सीआईबीले सभामुख देवराज घिमिरेलाई औपचारिक पत्र लेखेर जानकारी गराई सकेको छ ।