गैरआवासीय नेपाली संघ राष्ट्रिय समन्वय परिषद् अमेरिकाको चुनावी नतिजा निर्वाचन समितिले घोषणा नगर्दै बाहिरिएको छ । श्रोतका अनुसार आईसीसीका पदाधिकारीले यो सुचना गुप्त रुपमा सार्वजनिक गरेका हुन् ।

प्राप्त सुचना अनुसार अध्यक्षमा अर्जुन बन्जाडे बिजयी भएका छन्, भने वरिष्ठ उपाध्यक्षमा बिकास उप्रेती बिजयी भएका छन् । यस्तै महासचिवमा रामहरी अधिकारीले जित निकालेका छन् ।

यसैगरी कोषाध्यक्षमा सरोज सिग्देल बिजयी भएका छन् । यती बेला सामाजिक संजाल फेसबुकमा बिजयी भएकाहरुलाई बधाई दिने क्रम शुरु भएको छ । भने आम मतदातामा निर्वाचन समितिले नतिजा सार्वजनिक नगर्दै कसरी यो भयो भनेर चासो व्यक्त भएको छ ।

संचारकर्मीहरुले निर्वाचन समिति निकम्मा भयो भनेर आलोचना गरिरहेका छन् । उनिहरुले मतपरिणाम सहित केही संचारमाध्यमले समाचार लेखेको भन्दै आश्चर्य व्यक्त गरेका छन् ।