पोखरा, ४ वैशाख । ईश्वरीय मार्ग भजन मण्डल सच्चाई केन्द्र नेपाल काँहुखोला शाखाले ज्येष्ठ नागरिकलाई सम्मान गरेको छ ।

त्यस अवसरमा ७० वर्ष भन्दा बढी उमेर पुग्नुभएका ३६ जना ज्येष्ठ नागरिकलाई सम्मान गरिएको थियो ।

ज्येष्ठ नागरिक समाजको गहना भएको र उहाँहरुको योगदानको कदर गर्दै सम्मान गरिएको हो ।

संस्थाका अध्यक्ष राम बहादुर खत्री र उपाध्यक्ष लक्ष्मी केसीले उहाँहरुलाई सल र अवीर लगाएर सम्मान गर्नुभएको थियो ।

कार्यक्रममा बोल्दै अध्यक्ष खत्री र उपाध्यक्ष केसीले समाजको हितमा सबैले सोच्नुपर्ने उल्लेख गर्नुभयो ।

कार्यक्रम लिडर राधा बलयकोटी मौरती र पूर्ण बहादुर गुरुङले संचालन गर्नुभएको थियो ।