पोखरा, १७ चैत । रामनवमी महापर्व–२०७८ को अवसरमा संगीतमय श्रीराम कथामृत हुने भएको छ ।

हिमालय सिद्ध महायोग ध्यान साधना केन्द्र, नारायस्थान धार्मिक क्षेत्र विकास समिति नदिपुरमा हुने श्रीराम कथामृत चैत १९ देखि २७ गते सम्म चल्ने कार्यक्रम संयोजक भोला बरालले जानकारी दिनुभयो ।

अनन्तश्री विभूषित जगतगुरु रामनन्दाचार्य सद्गुरुदेवको सानिध्यमा भक्तमाला, श्रीरामचरितमानसको नेपाली, अगं्रेजी, हिन्दी भाषाकी प्रवाचिका आञ्जनेय युवा क्लबकी अध्यक्ष चन्द्रकला सखीको मुखारविन्दुबाट तथा शास्त्रीय संगीतका आचार्य शिवराज पौडेल र आञ्जनेय युवा क्लबका कालाकारको सांगितीक प्रस्तुतीमा श्रीराम कथामृत हुने जानकारी दिनुभयो।

प्रत्येक दिन बिहान ७ वजे देखि १० वजे सम्म संगीतमय श्रीराम चरितमानस पाठपरायण, विहान ११ वजे देखि १ वजे सम्म प्रसाद र दिउँसो २ बजे देखि ५ वजे सम्म श्रीराम चरितमानस कथा प्रवचन हुने छ ।

सम्पूर्ण आपद्–विपद् हरण गरी समस्त प्रकारको सुख ऐश्वर्य प्रदान गर्ने साथै आयु आरोग्य तथा मित्रहरु बृद्धि गर्ने उद्देश्यले यो प्रवचन आयोजना गरिएको बरालले जानकारी दिनुभयो ।