पोखरा, १५ असार । पोखरा महानगरपालिका वडा नं १७ स्थित फुस्रे खोलाले बगाउँदा एक जनाको मृत्यु भएको छ ।

खोलाले बगाउँदा स्याङजा बिरुवा गाउँपालिका–७ डिही घर भई हाल जिल्ला कास्की पोखरा –१७ हनुमान टोल बस्ने २६ वर्षीय युम बहादुर गुरुङको मृत्यु भएको हो । काउछेघारीस्थित फुस्रे खोलामा माछा मार्ने क्रममा गुरुङलाई खोलाले बगाएको थियो ।

उता पोखरा १६ बाटुलेचौरमा एक जना महिलाको मृत्यु भएको छ । २८ वर्षीया शान्त खड्काको मृत्यु भएको प्रहरीले जनाएको छ ।

बेलुका खाना खाएर सुत्नु भएकी खड्का बिहान अबरेसम्म पनि नउठेपछि भाईले उठाउन जाँदा बेहोस अवस्थामा भेटिएको र उपचारका क्रममा मृत्यु भएको प्रहरीले जनाएको छ ।