पोखरा, २५ माघ । सांदीपन मिडिया प्रा.लिले सञ्चालनमा ल्याएको राष्ट्र न्यूज डट कमको सम्पादकमा प्रकाशचन्द्र सापकोटा नियुक्त भएका छन् ।

प्रा.लिका सञ्चालक सपना पोख्रेलको अध्यक्षतामा बसेको बैठकले सापकोटालाई सम्पादकमा नियुक्त गरेको हो ।

पोखरा २५ हेमजा निवासी सापकोटा विगत २ दशकदेखि पत्रकारितामा संलग्न छन् । सापकोटा करीब डेढ दशक पोखराको आदर्श समाज दैनिकमा कार्यरत थिए । उनले राष्ट्रिय समाचार समिति र रेडियो हेमजामा पनि काम गरेका थिए ।

पत्रकारिता क्षेत्रमा लगनशील, मिलनशार र इमान्दार पत्रकारका रुपमा परिचित सापकोटाले पत्रकारितामा पु¥याएको योगदानका कारण पत्रकारिता क्षेत्रका विभिन्न पुरस्कारबाट पुरस्कृत हुनुको साथै सामाजिक क्षेत्रबाट सम्मानित भएका छन् ।

उनले आफ्नो अनुभवलाई कुशलताका साथ राष्ट्र न्यूज डट कमलाई उपयोग गर्दै मर्यादीत पत्रकारितामा समर्पित हुने प्रतिवद्वता व्यक्त गरेका छन् ।

फागुन ४ गतेदेखि राष्ट्र न्यूज डट कम विधिवत् रुपमा सञ्चालनमा ल्याउने तयारी छ ।