हाम्राकुरा डटकम अनलाइन पोर्टलमा प्रकाशित ‘सभामुख कृष्णबहादुर महराद्वारा संघीय संसद सचिवालयकी एक महिला कर्मचारीलाई यौन दुव्र्यवहार’ भन्ने समाचारको विषयलाई लिएर अनलाइनका प्रधान सम्पादक सिवाकोटी माथि सुरक्षा चुनौती देखिएकोमा गम्भीर ध्यानाकर्षण भएको उल्लेख छ ।

‘नेपालको संविधानले व्यवस्था गरेको प्रेस तथा अभिव्यक्ति स्वतन्त्रताको हक बमोजिम स्वतन्त्र, निश्पक्ष र भयरहित वातावरणमा समाचार प्रकाशन तथा प्रशारण गर्न पाउने मौलिक हकको प्रत्याभूति गर्न सम्बद्ध पक्षको ध्यानाकर्षण गराउँदछौ’विज्ञप्तिमा भनिएको छ ।

समाचार लेखेकै आधारमा महासचिव सिवाकोटीलाई पछ्याउने तथा निगरानी गरी असुरक्षा महसुश गराउने जुनसुकै व्यक्ति तथा समूहलाई कानूनी कठघरामा ल्याई कडा कारवाही गर्न तथा सुरक्षाको ग्यारेण्टी गर्न प्रहरी प्रशासन तथा सरकारसँग जोडदार माग गरेको छ ।

कुनै पनि समाचारमा चित्त नबुझेमा कानूनी उपचारको बाटो हुँदाहुँदै त्यसका विपरीत हुलहुज्जत गर्ने र धम्क्याएर सिंगो प्रेस जगतलाई नै आतंकीत बनाउन खोज्नु दुभाग्र्यपूर्ण भएको उल्लेख गर्दै प्रेस माथिको धम्की र गैरजिम्मेवार चरित्र प्रर्दशन जारी रहे कडा आन्दोलनमा उत्रने चेतावनी दिइएको छ ।