जब चिया उम्लियो…हेर्दा हेर्दै..

जब चिया उम्लियो…हेर्दा हेर्दै..

rivan fire

श्रीभद्र पौडेल
हेमजा, १८ पुस । माछापुच्छे गाउँपालिका–६, रिभान, आनन्दठाँटीकी धनलक्ष्मी गुरुङ सोमबार बिहान साढे ६ बजेतिर उठिन् । जाडोको मौसम घरबाट केही पर विद्यालयमा पढाउन जानुपर्ने भएपछि उनले बिहानीको नियमित काम जस्तै, ग्यास चुलोमा पानी उमालिन्, दाल पकाइन् र चिया पनि बसालिन् । त्यस बेलासम्म ७ बजेर २० मिनेट गइसकेको थियो । १–२ मिनेटमै चिया पनि उम्लिन लाग्यो । त्यसपछि उनी चिया खाने कप खोजीमा घरको मूल कोठातर्फ लागिन् । चिसो मौसममा चिया पिउने आशमा कप लिएर फर्किइन् । तर त्यतिबेला उनले चिया पिउन त के कुरा, कपमा खन्याउन समेत पाइनन्।

कप लिन पुगेकी उनी फर्किदा चिया पाक्न लागेको पूर्ववत् अवस्थाको कोठामा ग्यास रहेको टेबलमाथि आगलागी शुरु भएको थियो। उनी छाँगाबाट खसेजस्तो भइन् । आगोको फैलिँदै गएर कोठाभरी हुन थाल्यो । ‘रेगुलेटर’ बन्द गर्न उनले मेसो पाइनन् । अत्तालिँदै ‘आगलागी लाग्यो’ भन्दै उनले छिमेकीसँग गुहार मागिन् । छिमेकबाट ५–१० मिनेटमै उनको घरमा करिब १० जना मानिस जम्मा भए । उनीहरु एक्कासी आगो लागेको देखेपछि निभाउनतर्फ कस्सिए ।

आ–आफ्नो घरबाट गाग्री, ताउला, लोहोटा, जर्किन लगायत पानी ल्याउन मिल्ने सामग्री लिएर कतिपय घर नजिकैको धारा त कतिपय छिमेकी पानी लिनैका लागि करिब डेढ सय मिटर परको मर्दीखोलासम्म पुगे ।
स्थानीय खिमलाल सुनार, रामबहादुर सुनार, मोहन ढुंगाना, ईश्वर गुरुङ, राजु ढुंगाना, गंगे जिसी, तुले जिसी, माया सुनार, आइतश्री परियार लगायतको टोली आगो निभाउन शुरु अवस्थादेखि खटियो । आगलागी शुरु भएको करिब १ घण्टामा प्रहरी पनि आयो । प्रहरी टोली र स्थानीयको सहयोगमा करिब डेढ घण्टाको अन्तरालमा आगो निभ्यो । तर आगो निभिसक्दा केही काठपात बाहेक लगभग पूर्ण रुपमा घर जलिसकेको थियो ।

आगलागीले धनलक्ष्मी गुरुङ परिवारको करिब ३० लाख रुपैयाँ बराबरको भौतिक सामग्री नष्ट ग¥यो । छिमेकी इन्द्रकुमारी गुरुङको समेत गरी करिब ३० मुरी धान, ७ मुरी कोदो, चाँदीका दुई थान करुवा र बटुका, तामाका ६ ताउला, गाग्री, लत्ताकपडा लगायत घरभित्र रहेका सम्पूर्ण सामग्री एकैछिनमै जलेर खरानी भए । ढुंगामाटाले बनेको दुईतले कच्ची घर पूर्ण रुपमा नष्ट हुन पुग्यो । गुरुङ यतिबेला निकै भावविह्वल छिन् ।

स्थानीय हुम्दीस्थित निष्पक्ष माविकी शिक्षक समेत रहेकी उनी आमा पार्वतीको अनुपस्थितिमा उक्त घर बस्दैआएकी थिइन् । उनीसँगै सो घरमा उनका भाइ बुद्घ गुरुङ बस्थे । ग्यास लिक भएर आगोलागी भएको हुन सक्ने स्थानीयको अनुमान छ ।

पीडित गुरुङले छिमेकीको सहयोगले थप क्षति भने हुन नपाएको बताउँछिन् । छिमेकी बेलैमा नआएको भए नजिकैका अन्य घरमा समेत आगलागी हुन्थ्यो । तर सम्भावित थप क्षति ट¥यो । उनले धिताल, रिभान, भिंडावारी लगायतबाट समेत मानिस आइ सहयोग गरेको बताइन् ।गुरुङका छिमेकी खिमलाल सुनारले हरेक कुरामा पूर्णहोशियारी अपनाउन जरुरी भएको औल्याए ।

यता, वडा ५ की सामाजिक परिचालक सीता पौडेलले गुरुङको परिवारलाई गाँस, बास र कपासमा प्रत्यक्ष असर परेको जनाउँदै उनलाई सहयोग गर्न सबै पक्षसँग आग्रह गरेकी छन् । गुरुङको परिवार यतिबेला छिमेकी इन्द्रकुमारी गुरुङको घरमा बस्दैआएको पोखराबाट प्रकाशित आदर्श समाज दैनिकको समाचारमा उल्लेख छ।

यो खबर पढेर तपाईलाई कस्तो महसुस भयो ?

प्रतिक्रिया

लेखकको बारेमा

भर्खरै

सोलुखुम्बुको पिकेमा चौँरी महोत्सव सुरु
नयाँ वर्ष शुभकामना
ठमेल र दरबारमार्ग आजदेखि चौबिसै घण्टा खुला
बेनी–जोमसोम–कोरला खण्डमा ४८ किलोमिटर कालोपत्र

नेपाल अपडेट

सोलुखुम्बुको पिकेमा चौँरी महोत्सव सुरु
नयाँ वर्ष शुभकामना
ठमेल र दरबारमार्ग आजदेखि चौबिसै घण्टा खुला
बेनी–जोमसोम–कोरला खण्डमा ४८ किलोमिटर कालोपत्र

Loading...
Rastra · USD/EUR · 19 Apr 
Nepal Rastra bank
Check: 19 Apr 2024 00:45 UTC
Latest change: 18 Apr 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀
CurrencyPrice
Nepalese Rupee 
Nepalese Rupee
133.67
Indian Rupee 
Indian Rupee
83.5
US Dollar 
US Dollar
1
Euro 
Euro
0.94
British Pound 
British Pound
0.8
Australian Dollar 
Australian Dollar
1.55
Japanese Yen 
Japanese Yen
154.53
US Dollar 
US Dollar
1
Rastra · USD · 19 Apr 
Nepal Rastra bank
Check: 19 Apr 2024 00:45 UTC
Latest change: 18 Apr 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀