आजका पत्रिकाः चुनावको अन्तिम रस्साकसी

आजका पत्रिकाः चुनावको अन्तिम रस्साकसी

KP-deuba-prachanda_810

अनलाइनखबर

१८ मंसिर, काठमाडौं । आज राजधानीबाट प्रकाशित पत्रपत्रिकाहरुले भिन्न विषयबस्तुलाई पहिलो समाचार बनाएर छापेका छन् । तर चुनावकै समाचारले प्राथमिकता पाएका छन् किनकी आज चुनाव प्रचारको अन्तिम दिन पनि हो ।

अन्नपूर्ण पोष्ट दैनिकले प्रधानमन्त्री एवम् कांग्रेस सभापति शेरबहादुर देउवाको अन्तर्वार्ताको अंशलाई पहिलो पृष्ठमा छापेको छ ।

कुराकानीको क्रममा प्रधानमन्त्री देउवाले आफूहरु धेरै नबोल्ने र बोलेको कुरा पूरा गर्ने बाचा गरेका छन् । उनले प्रतिस्पर्धी दललाई तुच्छ गाली नगर्ने बताएका छन् । किनकी भोलिका दिनमा फेरि मिलेर जानुपर्ने विकल्प दलहरुलाई रहँदैन ।

अब नेपाल कसैले खोस्न नसक्ने लोकतन्त्रको युगमा प्रवेश गरेको भन्दै प्रधानमन्त्री देउवाले कम्युनिस्टलाई उसको बोलाइबाट नभइ काम गराईबाट नाप्नुपर्ने धारणा राखेका छन् । उनले सुन्दा मीठो लागे पनि नेपालजस्तो विविधताको देशमा राष्ट्रपतीय प्रणाली थाम्न सकिन्छ कि सकिँदैन भन्ने कुराको बिचार पुर्‍याउनुपर्ने बताएका पनि छन् ।

उनले माओवादी अध्यक्ष प्रचण्डले अचानक कुरा फेरेको तर उनको व्यवहारको विषयमा अहिल्यै धेरै बोल्न नचाहेको बताएका छन् । एमाले अध्यक्ष ओलीको लडाइँ लोकतन्त्रका लागि थियो कि कम्युनिस्ट शासनका लागि भन्ने कुरा आगामी दिनले फैसला गर्ने पनि देउवाले बताएका छन् ।

चुनावमा हिंसात्मक गतिविधि भइरहेको सन्दर्भमा प्रधानमन्त्री देउवाले भनेका छन्- अब चुनावपछि सर्वदलीय सहमति गरेर एउटा फैसलामा पुग्नैपर्छ, हिंसात्मक गतिविधिको सामना कसरी गर्ने, कि वार्ता गर्नुपर्‍यो कि मुकाबिला ।

प्रचण्डप्रति यस्तो छ देउवाको दृष्टिकोण

दोस्रो चरणको निर्वाचन प्रचारको अन्तिम रस्साकसीमा दलहरु रहेका बेला कान्तिपुर दैनिकले पनि प्रधानमन्त्री एवम् कांग्रेस सभापति शेरबहादुर देउवा र एमाले अध्यक्ष केपी शर्मा ओलीको अन्तर्वार्ताको अंशलाई पहिलो पृष्ठमा स्थान दिएको छ । प्रधानमन्त्री देउवाले चुनावमा कांग्रेसको बहुमत आउने र ओलीले वाम गठबन्धन दुई तिहाइकै आसपास पुग्ने आंकलन गरेका छन् ।

ओलीले अब मुलुकको नेतृत्व आफूहरुले गर्ने भने पनि देउवाले अधिनायकवादको सपना नदेख्न चेतावनी दिएका छन् । देउवाले माओवादी केन्द्रसँग कुनै तिक्तता नभएको पनि बताएका छन् ।

एमालेले मदन भण्डारीलाई बिर्सियो !

कान्तिपुर दैनिकले सत्रौं पृष्ठमा चुनाव प्रचारको क्रममा पार्टीका पूर्वमहासचिव मदन भण्डारीलाई एमालेले बिर्सिएको समाचार छापेको छ । विगतमा हरेक चुनावी कार्यक्रममा मदन भण्डारीको तस्वीर झुण्ड्याउने एमालेले आजभोलि भण्डारीको सट्टा पार्टी अध्यक्ष केपी ओलीको तस्वीर राखेको प्रसंग समाचारमा छ ।

समाचारमा लेखिएको छ- २०४७ सालमा एमाले गठन भएयताका प्रत्येक चुनावका प्रचार सामग्रीमा पार्टीका पूर्वमहासचिव मदन भण्डारीलाई प्रमुख ‘अनुहार’का रुपमा राखिँदै आएको थियो । यसपटकको चुनावमा भने एमालेले अध्यक्ष केपी ओलीलाई प्रमुखता दिएको छ । प्रयोगमा ल्याइएका तुल, ब्यानर, पोस्टर र श्रव्य-दृष्यलगायत कुनै सामग्रीमा भण्डारीको तस्वीर देखिँदैन ।

ज्वरोले लियो १२ को ज्यान

नयाँपत्रिका दैनिकले मुगु जिल्लामा ज्वरोको प्रकोप फैलिएको र हालसम्म १२ जनाको मृत्यु भएको समाचारलाई प्रमुख समाचार बनाएर छापेको छ । मुगुका खत्याड, रोरु, गम्था, रिघा, रातापानी, कोटडाँडा, श्रीकोट लगायत गाउँमा ज्वरोको प्रकोप फैलिएको छ । कडा ज्वरो आउने, टाउको दुख्ने, घाँटी पाक्ने, पेट दुख्ने, रिंगाटा लाग्ने, बान्ता आउने, आँखा दुख्ने, खाना नरुच्ने लगायतका लक्षण बिरामीमा देखिएको छ ।

तर स्वास्थ्य संस्थामा औषधि छैन । निमित्त जिल्ला स्वास्थ्य अधिकृत धनप्रसाद शर्माले भने औषधि किन्ने बजेट नभएको बताएका छन् ।

नयाँ पत्रिकामै सरकारी वकिलले हेरेका ९ हजार मुद्दा फर्स्योट नभएका समाचारलाई पनि प्राथमिकताका साथ पहिलो पृष्ठमा स्थान दिएको छ ।

र, यो पनि – घर खाली गर्न सजिलो छैन घरबेटीलाई

नयाँ पत्रिकाले घर खाली गराउन घरबेटीलाई सजिलो नहुने गरी कानुन बनेको समाचारलाई पनि स्थान दिएको छ । आगामी भदौबाट कार्यान्वयनमा आउने मुलुकी ऐनमा घरबहाल सम्बन्धी नयाँ व्यवस्था गरिएको छ । जसअनुसार अब घरबेटीले आफ्नै घर खाली गर्न मौखिक सूचना दिएर पुग्दैन । घरबेटीले लिखित सूचना दिएको ३५ दिनसम्म सोही घरमै बसेर अर्को व्यवस्था गर्न सकिन्छ ।

समाचारमा लेखिएको छ- आफैलाई घर आवश्यक भएमा बहालमा बसेकालाई घरधनीले हटाउन सक्छन् तर तीन महिनासम्म अरुलाई भाडामा दिन नपाइने र दिनैपरे पहिले बहालमा रहेको व्यक्ति बहालमा लिनेमध्ये पहिलो प्राथमिकतामा पर्नुपर्ने व्यवस्था देवानी कानुनको दफा ४२२को उपदफा ४ मा उल्लेख छ ।

यो खबर पढेर तपाईलाई कस्तो महसुस भयो ?

प्रतिक्रिया

लेखकको बारेमा

भर्खरै

सबै रेकर्ड तोडियो, मोबाइल आयात अहिलेसम्मकै उच्च
फेरि होला लकडाउन ?
राष्ट्रपति भण्डारी बंगलादेश जाने
फेरी बढ्यो पेट्रोलियम पदार्थको मूल्य
आज श्रीस्वस्थानी व्रत सकिदै
बर्ड फ्लुको उच्च जोखिम

नेपाल अपडेट

सोलुखुम्बुको पिकेमा चौँरी महोत्सव सुरु
नयाँ वर्ष शुभकामना
ठमेल र दरबारमार्ग आजदेखि चौबिसै घण्टा खुला
बेनी–जोमसोम–कोरला खण्डमा ४८ किलोमिटर कालोपत्र

Loading...
Rastra · USD/EUR · 23 May 
Nepal Rastra bank
Check: 23 May 2024 00:45 UTC
Latest change: 22 May 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀
CurrencyPrice
Nepalese Rupee 
Nepalese Rupee
133.26
Indian Rupee 
Indian Rupee
83.25
US Dollar 
US Dollar
1
Euro 
Euro
0.92
British Pound 
British Pound
0.79
Australian Dollar 
Australian Dollar
1.5
Japanese Yen 
Japanese Yen
156.41
US Dollar 
US Dollar
1
Rastra · USD · 23 May 
Nepal Rastra bank
Check: 23 May 2024 00:45 UTC
Latest change: 22 May 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀