नाली बन्यो काल

नाली बन्यो काल

Nali maa bike (1)

रञ्जन अधिकारी पोखरा, ५ कार्तिक / पोखरामा गत वर्ष १५ दिनमा ४ जनाले सडक नालामै ज्यान गुमाएका थिए । भदौ १५ गते बेलुकी दाङ घर भई पोखरा ४ बस्दै आएकी ४५ वर्षीया मीना भण्डारी सिद्धार्थचोककै नालामा खस्दा ज्यान गुमाईन् । भदौ २२ गते मालपोत कार्यालय नजिक फिर्के खोलामा भएको पुलबाट मोटरसाईकल चलाउने क्रममा कास्की कालिका ५ घर भई लेकसाईड बस्ने २१ वर्षीय सुरविर जिसीको ज्यान गयो । १ असोजमा स्याङ्जा दरौं ९ का गंगाप्रसाद सुवेदीलाई बिरौटामा सडककै भेलले बगायो । सोहि रात पोखरा १६ लामाचौर, गैराबारीका ५६ वर्षिय कृष्णबहादुर थापाको खत्री डहरको भेलमा परेर नालीमा डुबेर ज्यान गएको थियो ।

पोखराका सडक छेउका नाली कति असुरक्षित भन्ने उदाहरण फेरि पुष्टि भएको छ । शनिबार साँझदेखि लामाचौरमै एक युवक बेपत्ता छन् । मोटरसाईकल पछाडी बस्ने युवक उछिट्टिएपछि ज्यान जोगिएको छ । मोटरसाईकल नालाको धेरै पर भेटियो ।

पोखरामा शनिबार राति परेको वर्षापछि नालीमा आएको भेलमा परी पोखरा लेखनाथ महानगरपालिका वडा नम्बर १९ निवासी पिजन पुन बेपत्ता भएका हुन् । चमानसिंह पुनका छोरा १८ वर्षीय पिजन आफैले मोटरसाईकल चलाएका थिए । उनका पछाडी बाईकधनी श्रवण पुर्जा रहेका थिए । १९ वर्षीय श्रवण सामान्य घाईते छन् । उनीहरुको घर नजिकै हो भने मावली साईनो पनि छ ।

दुइ भाइले चढेको ग१३प ३११० नम्बरको बाईक नालीमा बगेपछि कामै नलाग्ने भएको छ । बाईक नै टुक्रा टुक्रा पारेर निकालिएको कास्की प्रहरी प्रवक्ता प्रहरी नायव उपरिक्षक खड्कबहादुर खत्रीले जानकारी दिए ।

श्रवणका बुबा जयबहादुर पुर्जाका अनुसार श्रवण सहित पुर्जा परिवार नदिपुर स्थित दिदीको घरमा तिहार मनाएका थिए । ‘श्रवण आफ्नी फुपुको घरबाट साँझ ६ बजेपछि घर जान्छु भनेर बाईक लिएर निस्किएको हो । बाटोमै पिरतलाई भेटेछ । पिरतले श्रवणलाई हप्काएरै बाईक आफै चलाएको रे ।’ – जयबहादुरले भने– ‘पानीले चिप्लो बाटो । त्यहाँ ठूला ठूला स्पीड ब्रेकर छ । कन्ट्रोल गर्न नसक्दा बाईक र पिरत नालीमा खसे । छोरो चाहिँ उता बजारिएछ ।’ पिजनलाई छरछिमेकले पिरत नामले बोलाउँछन् ।

श्रवणले बोलेको नबुझिने भएकाले अनुसन्धानमा कठिनाई भएको प्रहरी बताउँछ । घटनापछि श्रवणलाई प्रहरीले नै वडा प्रहरी कार्यालय बगर ल्याएर परिवारलाई सम्पर्क गरी जिम्मा लगाएको थियो । घटना साँझ साढे ६ बजेतिर भएको र आफूहरुले श्रवणलाई साढे सातबजे भेटेको बुबा जयबहादुरले सुनाए ।

‘छ महिना अघि मात्रै किनेको पल्सर बाईक हो । श्रवणलाई पिरतले हप्कीदप्की गर्छ । पिरत पुलहाउसतिरै थियो होला । यस्तो नराम्रो घटना भयो ।’ जयबहादुरले खिन्नता प्रकट गरे । उनका अनुसार पिजन एक दाइ र दुई दिदी पछि घरको कान्छो छोरो हुन् । एउटी दिदी विदेशमा छिन् । अर्को दिदीबाट भाइटीका लगाएपछि पिजन घरबाहिर निस्किएका थिए ।

इञ्जिनिरिङ अध्ययन संस्थान, पश्चिमाञ्चाल क्याम्पस लामाचौर नजिकबाट नालीमा खसेको बाइक करीब २५० फुट तल उपल्लो दीपस्थित गोर्खा बोर्डिङ स्कूल नजिक फेला परेको प्रहरीले बताएको छ । स्थानीयका अनुसार बाइक कन्ट्रोलमा नहुँदा लडखडाउँदै नालीमा खसेको थियो । अन्डरग्राउण्ड भएकाले निकाल्न निकै समस्या प¥यो । बेपत्ता पुनका खोजी भइरहेको वडा प्रहरी कार्यालय बगरले जनाएको छ ।

लामाचौर बाटुलेचौर क्षेत्रमा अत्यधिक स्पीड ब्रेकर रहेको छ । गति सीमितको नाममा बिस्तारै चलाउँदा समेत धान्नै मुस्किल पर्ने ब्रेकर डब्लुआरसी अगाडिका सडक खण्डमा रहेको छ । यसबारे स्थानीय प्रशासनले ध्यान दिन अत्यन्त जरुरी रहेको चालकहरु बताउँछन् । छोटो दुरीमा अत्यन्त अग्ला ब्रेकरले यस्ता दुर्घटना निम्त्याउने गर्दछ ।

फोटो: सुजन आचार्य & Online

आदर्श समाज दैनिकमा कार्तिक ५ गते प्रकाशित

यो खबर पढेर तपाईलाई कस्तो महसुस भयो ?

प्रतिक्रिया

लेखकको बारेमा

भर्खरै

पोखरामा ‘फेवा नव वर्ष’ महोत्सव
पर्यटकीय राजधानी पोखरामा विदेशी पर्यटकले मनाए होली
पौडेलको ‘जून ओर्लेको रात’ लोकार्पण
पोखरा पर्यटकीय राजधानीका रूपमा घोषणा गरिँदै
मन क्षेत्रीको नेतृत्वमा गजल सन्ध्या पोखरा
पोखरालाई पर्यटकीय राजधानी घोषणा गरिने

नेपाल अपडेट

नयाँ वर्ष शुभकामना
ठमेल र दरबारमार्ग आजदेखि चौबिसै घण्टा खुला
बेनी–जोमसोम–कोरला खण्डमा ४८ किलोमिटर कालोपत्र

Loading...
Rastra · USD/EUR · 16 Apr 
Nepal Rastra bank
Check: 16 Apr 2024 00:55 UTC
Latest change: 15 Apr 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀
CurrencyPrice
Nepalese Rupee 
Nepalese Rupee
133.53
Indian Rupee 
Indian Rupee
83.41
US Dollar 
US Dollar
1
Euro 
Euro
0.94
British Pound 
British Pound
0.8
Australian Dollar 
Australian Dollar
1.54
Japanese Yen 
Japanese Yen
153.84
US Dollar 
US Dollar
1
Rastra · USD · 16 Apr 
Nepal Rastra bank
Check: 16 Apr 2024 00:55 UTC
Latest change: 15 Apr 2024 18:19 UTC
Disclaimers. This plugin or website cannot guarantee the accuracy of the exchange rates displayed. You should confirm current rates before making any transactions that could be affected by changes in the exchange rates.
You can install this WP plugin on your website from the WordPress official website: Exchange Rates🚀