सभापति केसी, नेपाली काँग्रेस कास्कीका पूर्व जिल्ला सदस्य श्रीकृष्ण लामिछाने र नेपाल प्रेस युनियन कास्कीका सदस्य महेन्द्र ढुगांनाले सामूहिक रुपमा आर्थिक सहयोग गरी जन्मदिन मनाएका हुन् ।

उनीहरुले पोखरा २६ पैतेडाडाँको पहिरो पीडित परिवार स्व. दुर्गा विकका परिवारलाई आर्थिक सहयोग गरेका थिए । असार २६ गतेको पहिरोमा परी दुर्गाको मृत्यु भएको थियो ।

केही दिन पहिले कास्की काँग्रेस सभापति केसीले फेसबुकमार्फत् साउन १७ गते जन्मदिन भएकाको भेटघाट गरी जन्मदिनलाई सामूहिक रुपमा सामाजिक कार्यमा लगाउन आव्हान गरेका थिए । सोही सूचनापछि केसी, लामिछाने र ढुङ्गानाबीच समन्वय भई सहयोग गर्न जुटेका हुन् ।

जन्मदिनलाई भड्किलो र खर्चिलो बनाउन नहुने सन्देश दिदै जन्मदिनलाई सामाजिक कार्यमा लगाउन सबैलाई प्रेरित गर्न यस्तो कार्यक्रम गरिएको कास्की काँग्रेसका सभापति केसीको भनाइ छ । उनले पहिरो पीडित परिवारका लागि सुरक्षित र व्यवस्थित बसोबासको व्यवस्था गर्न पहल गरिरहेको बताए ।

सोही कार्यक्रममा पोखरा सम्पर्क समाज अष्ट्रेलियाकोतर्फबाट पनि विकका परिवारलाई ११ हजार पाँच सय आर्थिक सहयोग गरिएको थियो ।

कार्यक्रममा नेपाली काँग्रेस कास्कीका सदस्य राजेन्द्र लामिछाने, पोखरा २६ का वडाध्यक्ष नारायणप्रसाद बराल र स्थानीय गोविन्द परियारले बोलेका थिए ।

पहिरोले प्रेमराज विकको घर पुर्दा तीन जना नातिनातिनाको मृत्यु भएको हो ।मृत्यु हुनेमा १४ वर्षीय नाति समिर विक, १६ वर्षीय कुशल विक र १६ वर्षीया नातिनि रोजिना विकको मृत्यु भएको प्रहरीले जनाएको छ।

आज बिहानपख पहिरोले घर पुरेको थियो । घटना लगत्तै स्थानीय र सुरक्षाकर्मी उद्वारका लागि जुटेका थिए ।

नेताहरूमा स्वच्छाचारिता बढेको र पैसाका भरमा थापाले टिकट पाएको पालिखेको आरोप छ । ‘म २० वर्षदेखि पार्टीका लागि काम गरेको छु, उहाँ २ वर्ष भयो कांग्रेस भएको, पैसा दिनेलाई टिकट दिइएको छ ।’ पालिखेले भने । कार्यकर्ताले आफूलाई जिताउने विश्वास लिए । पालिखे आफ्नी धर्मपत्नी रीता जोशी पालिखेका साथ दर्तास्थल पुगेका थिए ।

पालिखे कांग्रेसका महाधिवेशन प्रतिनिधी छन् । पार्टीको जिल्ला सचिवसहित रहिसकेका उनी पोखराको पूर्व उपमेयर पनि हुन् । गएको स्थानीय चुनावमा मेयरका आकांक्षी पालिखेलाई त्यतिबेला टिकट पक्का पक्की भइसकेको रातारात परिवर्तन गरी नेता अर्जुननरसिंह केसीका बहिनी ज्वाइँ रामजी कुँवरलाई कांग्रेसले टिकट दिएको थियो ।

काँग्रेसका नेताहरुले भने १९ गते नै फिर्ता हुने दाबी गर्छ । पालिखे पटक पटक अन्यायमा परेकाले उनी फिर्ता नलिने मुडमा छन् ।

भिडियो: ओम हमाल